Mwanahabari Mambo Mbotela amwambia Rais Uhuru ni bure kutambua mashujaa bila kuwapa fedha ▷ Kenya News

Mwanahabari Mambo Mbotela amwambia Rais Uhuru ni bure kutambua mashujaa bila kuwapa fedha ▷ Kenya News

– Mambo Mbotela anasema kupewa sifa bila ya kitu mfukoni ni bure

– Mwanahabari huyo amemtaka Rais Kenyatta kuhakikisha kuwa kuna kitu mashujaa watapokea kila mwezi

– Rais aliwasifia mashujaa wote wakati wa sherehe za Mashujaa kaunti ya Mombasa Jumapili

Mwanahabari mkongwe Leonard Mambo Mbotela amesema ni kazi bure kuwatambua mashujaa wa nchi bila kuangalia hali yao kifedha.

Akiongea na runinga ya K24, Mbotela alisema mashujaa wengi wamekuwa wakitambuliwa na kupata majina makubwa lakini kifedha wangali wanataabika.

Habari Nyingine: Mashujaa Dei: Raila alifungiwa nje ya mazungumzo

Mwanahabari Mambo Mbotela amwambia Rais Uhuru ni bure kutambua mashujaa bila kuwapa fedha

Mwanahabari Mambo Mbotela amemwambia Rais Uhuru ni bure kutambua mashujaa bila kuwapa fedha. Picha: Standard
Source: UGC

Mbotela alizungumza siku moja tu baada ya kutambuliwa Jumapili, Oktoba 20 wakati wa sherehe za Mashujaa Dei kaunti ya Mombasa kuwa mmoja wa mashujaa ambao wameipa nchi sifa nzuri ndani na nje ya mipaka ya Kenya.

Wakati wa sherehe hizo, Rais Uhuru Kenyatta aliwapa kongole mashujaa wote ambao wamewahi kupeperusha bendera yake juu na kufanya nchi ienziwe.

Uhuru aliwakumbuka wanahabari wa Kenya ambao alisema kazi yao kwa miaka mingi imehakikisha uhuru wa vyombo vya habari pamoja na kuendeleza demokrasia.

Habari Nyingine: Magazeti ya Kenya, Jumatatu 21: Polisi wanamsaka jamaa aliyezalisha mama ‘chokoraa’ watoto 7

Mwanahabari Mambo Mbotela amwambia Rais Uhuru ni bure kutambua mashujaa bila kuwapa fedha

Rais Uhuru Kenyatta Oktoba 20 aliwapa kongole mashujaa wote ambao wameendelea kuipa Kenya sifa bora. Picha: State House
Source: Facebook

Mbotela alisema ingekuwa vyema zaidi iwapo Rais Kenyatta angeagiza mashujaa wote wawe wakipokea kiasi fulani ya fedha kila mwezi ili kujikimu maishani.

“Mamia ya mashujaa wamekuwa wakitambuliwa na kusifiwa wakati wa kusherehekea Mashujaa Dei. Lakini, kile huuma ni kuwa huwa tunakumbukwa lakini hatuna kitu cha kujivunia,” alisema Mbotela.

“Tuna mashujaa wengi kama vile waliopigania uhuru na ingekuwa bora zaidi kama Rais angeagiza wawe wakipokea kama shilingi 100, 000 kila mwezi ili waweze kujikimu maishani,” alisema.

Habari Nyingine: Wanafunzi wavishwa maboxi kuzuia wizi wa mtihani

Mwanahabari huyo alisema amekuwa akitambuliwa kama shujaa tangu enzi za rais mstaafu Daniel Moi lakini hajawahi kupata fedha zozote kutoka kwa serikali.

Alisema kile tu anajivunia ni tuzo mbili pekee na hivyo hushangaa manufaa ya kutambuliwa kama shujaa ni yepi.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Subscribe to watch new videos

administrator

Related Articles

Leave a Reply

Your email address will not be published. Required fields are marked *